Ահազանգ է ստացվել, որ Երևանում գործող ՌԴ-ի և Չինաստանի դեսպանատներում ռումբ է տեղադրված

SHAMSHYAN.com-ի տեղեկություններով՝  քիչ առաջ արտակարգ դեպք է տեղի ունեցել Երևանում: 

Ոստիկանության օպերատիվ կառավարման կենտրոն ահազանգեր են ստացվել, որ Երևանում գործող Ռուսաստանի Դաշնության և Չինաստանի դեսպանատներում ռումբեր են տեղադրված: Այս պահին նշված վայրեր են ժամանել ՀՀ ոստիկանության պարեկային ծառայության Երևանի գնդի պարեկները, ովքեր սահմանազատել են տարածքները: 

Ժամանել են նաև ԱԻՆ ՓԾ թիվ 1 հրշեջ-փրկարարական ջոկատներից 1-ական մարտական հաշվարկ: ՌԴ դեսպանատուն են ժամանում նաև  ԱԻՆ-ի սակրավորները: Ահազանգով նշված վայրեր են ժամանել նաև ոստիկանության կենտրոնական բաժնի խմբերը: 

Auroranews-ը կապ հաստատեց ոստիկանության լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանի հետ: Մեզ ասացին, որ ավելի ուշ կապ հաստատենք իրեն հետ: