| Իշխան Սաղաթելյանին Ազգային ժողովի նախագահի տեղակալի պաշտոնից հետ կանչելու վերաբերյալ հարցը խորհրդարանում ներկայացնում է ՔՊ-ական Արուսյակ Ջուլհակյանը: «ԱԺ կանոնակարգ օրենքի համաձայն, ԱԺ պատգամավորը պարտավոր է մասնակցել ԱԺ-ի, ինչպես նաև իր անդամակցած հանձնաժողովի ու աշխատանքային խմբերի նիստերին: Այնինչ, Սաղաթելյանը 2022թ. հունվարի 17-ից առ հունիսի 29-ը, նիստերի՝ թվով 342 քվեարկություններից ունեցել է թվով 198 բացակա: ԱԺ կանոնակարգ օրենքի համաձայն, ԱԺ նախագահի տեղակալները մասնակցում են ԱԺ խորհրդի նիստերին, նշվածը նշանակում է, որ մասնակցությունը ԱԺ նախագահի տեղակալի անմիջական պարտականությունն է: 8-րդ գումարման ԱԺ խորհուրդը ձևավորման պահից գումարել է 25 նիստ, Սաղաթելյանը ներկա է եղել միայն 7-ին»,- նշել է Ջուլհակյանը: |
