Ռուսական զորքը լքել է Զմեինի կղզին
Ռուսաստանի պաշտպանության նախարարությունը հայտարարել է, որ ռուսական զորքը լքել է Զմեինի կղզին։
Գերատեսչության հավաստմամբ՝ ռուսական զորքը «Զմեինի կղզում կատարել է առաջադրանքները և որպես բարի կամքի դրսևորում հետ քաշել այնտեղ տեղակայված կայազորը»։
Հիշեցնենք՝ Զմեինի կղզին արդեն երկար ժամանակ է ինչ գտնվում էր ռուսական զորքերի վերահսկողության տակ։
«Այսպիսով, համաշխարհային հանրությանը ցույց է տրվել, որ Ռուսաստանի Դաշնությունը չի խոչընդոտում Ուկրաինայի տարածքից գյուղատնտեսական արտադրանքի արտահանման համար մարդասիրական միջանցք կազմակերպելու ՄԱԿ-ի ջանքերին», - ասվում է ռուսական կողմի պաշտոնական հաղորդագրությունում:
Ուկրաինական կողմը, մինչդեռ, պաշտոնական հաղորդագրությունում պնդում է, որ ուկրաինական զինուժի հրթիռակոծությունից հետո ռուսները «շտապ տարհանել են կայազորի մնացորդները երկու արագընթաց նավերով»։ Ուկրաինական հրամանատարության տվյալներով՝ այժմ կղզում հրդեհ է, պայթյունների ձայներ են լսվում։
