Ալիևի հետ հանդիպումից հետո Լավրովը հայտարարություն է արել

Մոսկվան պատրաստ է աջակցել ընդհանուր սահմանի հստակեցման հարցում Բաքվի և Երևանի աշխատանքին և այս առնչությամբ կոնկրետ առաջարկներ ունի: Այս մասին գրում է Lenta. ru-ն՝ հղում տալով ՌԴ ԱԳ նախարար Սերգեյ Լավրովի հայտարարությանը Ադրբեջանի նախագահ Իլհամ Ալիևի հետ հանդիպմանը:

Լավրովի խոսքով՝ Ռուսաստանը կարող է խորհրդատվական ծառայություններ մատուցել երկու հանձնաժողովներին, որոնք ստեղծվել են երկու կողմերի կողմից՝ սահմանազատման և սահմանագծման համար։

Նա նաև խոստացել է հասնել տարածաշրջանում տրանսպորտային հաղորդակցության ապաշրջափակման՝ նշելով այս ուղղությամբ առաջընթացը։