Վահագն Խաչատուրյանը հայտնել է, թե որ դեպքում կխոսի ընդդիմության հետ

Բաց եմ ցանկացած խոսակցության համար, եթե կարիք ունենք իրար լսելու։ Բայց մի պայման ունեմ, եթե դա լինում է քաղաքակիրթ ձևով, նորմալ բառապաշարով, հայերեն, հռետորաբանությունը պետք է լինի համապատասխան։ Չեմ փորձելու ոչ մեկին դաստիարակել, արդեն այդ տարիքին չենք։

Այս մասին Հանրայինի եթերում հայտարարեց ՀՀ նախագահ Վահագն Խաչատուրյանը՝ պատասխանելով ընդդիմության ներկայացուցիչների հետ հանդիպելու մասին հարցին։

«Քաղաքականության մեջ գրված ու չգրված կանոններ կան` բարոյական դաշտում գտնվող։ Հիմա էլ պատրաստ եմ խոսակցության, սակայն առաջին օրվանից խորհրդարանական ընդդիմությունը երկխոսությունից հրաժարվել էր, մինչև հիմա էլ այդ իրավիճակն է։ Պատրաստ եմ հրավիրել, լսել իրենց տեսակետները, իրենց ցանկությունը չկա։ Բառապաշարը, որը կա, կիրառվում է փողոցում մեկուկես ամիս, իմ համար անընդունելի է»։