«Ոչ մեկ չի կարող երաշխավորվել, որ գերի ընկած ամերիկացիները մահապատժի չեն ենթարկվի». Պեսկով
ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը չի կարող երաշխավորել, որ Ուկրաինայում գերի ընկած ամերիկացի նախկին զինծառայողները մահապատժի չեն ենթարկվի, հայտնում է gazeta.ru-ը: «Ոչինչ չեմ կարող երաշխավորել, դատավճիռը կախված է հետաքննության ընթացքից»,- ասել է Պեսկովը:
Ավելի վաղ հաղորդվել էր, որ ամերիկացի կամավորներ 39-ամյա Ալեքսանդր Դրյուկեն և 27-ամյա Էնդի Հյուն անհետ կորել են: ԱՄՆ պետդեպարտամենտի խոսնակ Նեդ Փրայսը հայտարարել էր, որ Միացյալ Նահանգները կապի մեջ է ուկրաինական կողմի և Կարմիր խաչի միջազգային կոմիտեի ներկայացուցիչների հետ՝ Ուկրաինայում Ռուսաստանի կողմից գերեվարված ամերիկացիների հարցով: |
