ԱՄՆ-ն աշխատում է Ուկրաինայից երկաթուղով հացահատիկ արտահանելու ծրագրի վրա. Բայդեն
ԱՄՆ-ն աշխատում է Ուկրաինայից երկաթուղով հացահատիկ արտահանելու ծրագրի վրա՝ սահմանին փոխադրման կետեր ստեղծելով։ Այս մասին հայտարարել է ամերիկացի առաջնորդ Ջո Բայդենը, գրում է RT-ն:
«Մենք աշխատում ենք հացահատիկի՝ այլ երկրների միջոցով երկաթուղով արտահանման պլանի վրա... Մենք ժամանակավոր ամբարներ ենք կառուցելու Ուկրաինայի սահմաններին, ներառյալ Լեհաստանում, որ կարողանանք դրանք վագոններից վերբեռնել, այնուհետև... առաքենքք աշխարհով մեկ»,- ասել է Բայդենը:
Նրա խոսքով՝ ուկրաինական ամբարներում հազարավոր տոննա հացահատիկ կա։
Ավելի վաղ ԱՄՆ պաշտպանության նախարարության ղեկավար Լլոյդ Օսթինը հայտարարել էր, որ Վաշինգտոնի առաջնահերթությունը ուկրաինական հացահատիկի արտահանման խնդրի լուծման դիվանագիտական ճանապարհն է։
