ՄԻՊ-ը մտահոգիչ է համարում Երևանի ավագանու միջադեպը և դատապարտում է բռնության դրսևորումները

Մարդու իրավունքների պաշտպան Անահիտ Մանասյանը հունիսի 23-ին Երևանի քաղաքապետարանում տեղի ունեցած միջադեպը մտահոգիչ է համարել մարդու իրավունքների տեսանկյունից՝ նշելով, որ այն անհամատեղելի է ժողովրդավարական կառավարման և քաղաքակիրթ քաղաքական բանավեճի հետ։

Նրա խոսքով՝ քաղաքական ուժերը չեն կարող միաժամանակ խոսել իրավունքների կարևորության մասին և իրենց վարքագծով տարածել բռնության, վիրավորանքի, ատելության խոսքի և անհանդուրժողականության դրսևորումներ։

Պաշտպանը ընդգծել է, որ պաշտոն զբաղեցնող անձանց նման վարքագիծը ոչ միայն օրինակ է հանդիսանում բռնության տարածման համար, այլ նաև խոչընդոտում է մարդու իրավունքների պաշտպանության համակարգի զարգացմանը։

Անահիտ Մանասյանը խստորեն դատապարտել է տեղի ունեցածը։

Հիշեցնենք, որ Երևանի ավագանու նիստի ընթացքում այսօր գրանցվել է ծեծկռտուքի միջադեպ։