Ռուս-ուկրաինական պատերազմի առաջին 100 օրերին ՌԴ-ն գազի վաճառքից վաստակել է մոտ 100 մլրդ դոլար

Ռուս-ուկրաինական պատերազմի առաջին 100 օրերի ընթացքում ՌԴ-ն էներգակիրների արտահանումից վաստակել է 98 մլրդ դոլար: Այս մասին գրել է  BBC-ն` հղում անելով CREA զեկույցին:

Մատակարարումների հիմնական մասն իրականացվել է ԵՄ երկրներ, ասվում է Էներգետիկայի և մաքուր օդի ուսումնասիրությունների ֆիննական կենտրոնի (CREA) զեկույցում։ Համաձայն հետազոտության՝  ռուսական արտահանման 61 տոկոսի սպառողը ԵՄ-ն է եղել: Թվերով`  60 մլրդ դոլարի գնում է արվել։ Հիմնական սպառող երկրներն են Գերմանիան` 12 մլրդ դոլարից ավելի և Իտալիան` մոտ 8 մլրդ դոլար։ 

Միության երկրներից դուր` դուրս ռուսական նավթի ու գազի գլխավոր ներկրողը Չինաստանն է: Երկիրը կատարել է ավելի քան 12 մլրդ դոլարի գնում։ 

Հունիսի սկզբին ԵՄ-ն համաձայնեցրեց գրեթե ամբողջությամբ ռուսական նավթի ներկրումը դադարեցնելու հարցը, ինչպես նաև պատրաստ է մինչև այս տարեվերջ ռուսական գազի սպառումը կրճատել երկու երրորդով՝ չնայած Եվրոպայի մեծ կախվածությանը ռուսական էներգառեսուրսներից: