Մարսելոն հեռացավ ակումբից. տեղի կունենա հրաժեշտի միջոցառում
Մադրիդի «Ռեալը» պաշտոնապես հայտարարեց, որ Մարսելոն հեռացել է ակումբից։
34-ամյա ֆուտբոլիստը «Արքայական ակումբում» անցկացրել է 15 տարի։ Բրազիլացու վերջին հանդիպումը «սերուցքայինների» մարզաշապիկով Չեմպիոնների Լիգայի եզրափակչում կայացած «Լիվերպուլի» դեմ հանդիպումն էր։ Այս մասին գրում է ArmSport.am-ը։
Վաղը տեղի կունենա հրաժեշտի միջոցառում, որին ներկա կլինի նաև «Ռեալի» նախագահ Ֆլորենտինո Պերեսը։ 15 տարիների ընթացքում Մարսելոն մադրիդցիների կազմում մասնակցել է 545 հանդիպման՝ դառնալով 38 գոլի հեղինակ և կատարելով 103 գոլային փոխանցում։
