Նախատեսվում է 13 խոշորացված համայնք միավորել 5-ի մեջ. ՏԿԵ փոխնախարար

Հայաստանում նախատեսվում է 13 խոշորացված համայնք միավորել 5-ի մեջ: Խորհրդարանում «ՀՀ վարչատարածքային բաժանման մասին» օրենքում փոփոխությունների օրինագծի վերաբերյալ լսումների ժամանակ ասաց ՏԿԵ փոխնախարարը:

Վաչե Տերտերյանը ներկայացրեց այն կառուցվածքը, որ առաջարկվում է վարչատարածքային փոփոխություններով:

«Արագածոտնի մարզում Թալին համայնք, որը կմիավորի Թալին և Արագածավան համայնքները Գեղարքունիքի մարզում Ճամբարակ համայնք, որը կմիավորի Ճամբարակը և Շողակաթը, Լոռու մարզում Ալավերդի համայնք, որը կմիավորի Ալավերդին, Ախթալան, Շնողը և Օձունը, Լոռու մարզում Տաշիր համայնք, որը կմիավորի Տաշիրը, Մեծավանը, Սարչապետը, և Սյունիքի մարզում Սիսիան համայնք, որը կմիավորի Սիսիան, Գորայք համայնքները»,- ասաց Տերտերյանը:

Փոխնախարարի խոսքով՝այս միավորման արդյունքում Արագածոտնի մարզի Թալին համայնքը կունենա 37.6 հազար բնակչություն, Ճամբարակը կունենա 15 հազար բնակչություն, Ալավերդին՝ 42 հազար, Տաշիրը՝ 18 հազար, Սիսիանը՝ 31 հազար 500-ին մոտ բնակչություն:

Փոխնախարարի խոսքով՝ խոշորացմամբ պայմանավորված՝ համայնքները շատ ակտիվ սկսել են սուբվենցիոն ծրագրեր ներկայացնել: