«ԿԲ ղեկավարությունը պատրաստակամ է մեղմել պահանջները». Սամսոն Գրիգորյան
«Կասեցում» շարժման ղեկավար, գործարար Սամսոն Գրիգորյանի գրառումը․ «Կենտրոնական Բանկում այսօր կայացավ մեր հանդիպումը։
ՀԴՄ սարքերի և անկանխիկի միջնորդավճարների, Պոս-ի ակտիվացման լինցենզիայի վճարների հետ կապված կլինեն փոփոխություններ, կշարունակենք հանդիպումները՝ ԿԲ ղեկավարությունը պատրաստակամ է հնարավորինս մաքսիմալ մեղմելու պահանջները, որպեսզի տնտեսվարողների համար հնարավորինս քիչ ցավոտ լինի Հուլիսի մեկից անկանխիկի նոր պայմաններին անցումը։
Բանկերի հետ պայմանները վերջնական հստակեցնելուց հետո ԿԲ-ն հանդես կգա հայտարարությամբ։
Ավելի մանրամասն պայմանների ու սպասարկման տոկոսադրույքների մասին կխոսեմ մոտ 10 օրից։ Այս ընթացքում կշարունակենք համատեղ աշխատանքը։
Նախնական եղեք տեղեկացված, որ պոս համակարգի միացման պայմանները փոփոխվելու են։
