Վաշինգտոնը Կիևին զենք կտրամադրի Ուկրաինայի սահմաններում պաշտպանության համար, այլ ոչ՝ սահմաններից դուրս. ՄԱԿ-ում ԱՄՆ ներկայացուցիչ
Վաշինգտոնը Կիևին զենք կտրամադրի Ուկրաինայի սահմաններում պաշտպանության համար, այլ ոչ՝ սահմաններից դուրս: Այս մասին հայտնել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը, գրում է РИА Новости-ն:
«Առաջին օրվանից մենք հստակ հայտարարել ենք, որ Ուկրաինային զենք ենք տրամադրելու՝ պաշտպանելու նրանց ռուսական ագրեսիայից, պաշտպանելու նրանց իրենց սահմաններում։ Մենք չենք տրամադրում զենք, որը թույլ կտա ուկրաինացիներին հարձակվել Ռուսաստանի վրա իրենց տարածքից։ Նախագահ Բայդենը հստակ ընդգծել է, որ մենք չենք պատրաստվում պատերազմի կողմ լինել, բայց մենք կաջակցենք Ուկրաինային՝ պաշտպանելու իր ինքնիշխանությունն ու տարածքային ամբողջականությունը»,- ասել է նա։
Հիշեցնենք, որ Ռուսաստանը Ուկրաինայում ռազմական գործողություն է սկսել փետրվարի 24-ին ։
