Միայն 30 րոպե բանակցելուց հետո լրագրողներին թույլ տվեցին մուտք գործել ԱԺ 334 դահլիճ. Factor. am
Ազգային Ժողովում առանց լրագրողների ներկայությամբ մեկնարկել է Ազգային ժողովի հանձնաժողովների համատեղ նիստը, որտեղ քննարկվում է 2021 թվականի պետական բյուջեի կատարողականը։ Հրավիրված է նաև ՀՀ վարչապետ Նիկոլ Փաշինյանը։ Ինչպես հայտնում է Factor.am-ը, նիստի մեկնարկին լրագրողներին թույլ չեն տվել մտնել 334 դահլիճ։ Լրատվամիջոցը նշոմ է, որ Ազգային ժողովի իշխանական պատգամավորները, աշխատակազմը և ՊՊԾ ծառայողները որևէ հիմնավորում չէին ներկայացրել, թե ինչու լրագրողներին թույլ չեն տալիս ներս մտնել։ Նշվում է, որ միայն բանակցություններից հետո` շուրջ 30 րոպե ուշացումով լրագրողներին թույլատրեցին մուտք գործել հանձնաժողովի նիստերի դահլիճ։
