Բուլղարիայում ուկրաինացի փախստականները դժգոհել են ճամբարից և տեղափոխվել մասնավոր հյուրանոց
Բուլղարիայում մի խումբ ուկրաինացի փախստականներ «ապստամբել են» և հրաժարվել պետական ճամբարում ապրելուց, նրանց ժամանակավորապես տեղավորել են մասնավոր հյուրանոցում։ Այս մասին գրում է RT-ն՝ հղում տալով Բուլղարիայի ազգային ռադիոյին:
Ուկրաինայի 19 քաղաքացիների խոսքով՝ Վելիկո Տառնովոյի շրջանում գտնվող ճամբարը, որտեղ նրանք վերաբնակեցվել են Սև ծովի Վառնայից, պարզվել է, որ պիտանի չէ ապրելու համար։
Նրանք «ապստամբել են», ինչից հետո իրենց ուղարկել են Գոռնա Օրյահովիցայի մասնավոր հյուրանոց։
«Մենք հատուկ ծրագրով եկել ենք Վառնայից, բայց մեզ ստել են։ Մեզ տարան այլ տեղ, ոչ թե այն, ինչի մասին խոսում էին։ Բորբոս ու խոնավություն կար, երեխաների հետ հնարավոր չէր այնտեղ մնալ։ Մենք բողոքեցինք և տեղափոխվեցինք այստեղ։ Ինչ կլինի հետո, մենք չգիտենք», - ռադիոյին ասել է խմբի կանանցից մեկը:
Միաժամանակ, հյուրանոցի տանտիրուհին, որտեղ բնակվում էին Ուկրաինայի քաղաքացիները, ասել է, որ փախստականներին կերակրելու է միայն մինչև հունիսի 1-ը։
«Այնուհետև միայն գիշերում ենք, մենք հրաշագործներ չենք, որ օրական հինգ լևի (Խմբ.՝ բուլղարական դրամ) սնունդ կազմակերպենք», - ասաց նա:
