Զելենսկին առաջարկել է վերացնել պանելային բոլոր շենքերը
Ուկրաինայի նախագահ Վլադիմիր Զելենսկին առաջարկել է վերլուծել վնասված պանելային տների վերականգնման իրագործելիությունը, գրում է УНИАН-ը։
«Եթե դա արդեն տեղի է ունեցել, և մենք ունենք պատերազմ, ապա արդյոք չարժե դիտարկել ամբողջ երկրում, հատկապես ավերված տարածքներում պանելային տների վերացման հնարավորությունը»,- հարց է հնչեցրել նա։
Նախագահը նշել է, որ սա նաև հնարավորություն է արդիականացնելու երկիրը և քաղաքները, կառուցելու ժամանակակից բնակարաններ։
