Իրանը նոր պայման է առաջ քաշել Վաշինգտոնի հետ խաղաղ համաձայնագրի համար

Թեհրանը առաջ է քաշել ևս մեկ պայման, առանց որի Վաշինգտոնի հետ խաղաղ համաձայնագիր չի կնքվի։ Լիբանանում ռազմական գործողությունները դադարեցնելու պահանջից բացի, Իրանը պահանջում է նաև հրադադար հաստատել Գազայի հատվածում։ Հայտնում են իրանական ԶԼՄ–ները: 

ՀԱՄԱՍ-ի խոսնակ Հազեմ Քասեմի խոսքով՝ Մերձավոր Արևելքում խաղաղության հասնելու համար Թեհրանի պայմանների փաթեթը ընդլայնվել է։ 

Քասեմը նշել է, որ ՀԱՄԱՍ-ը Իրանի և Եմենի պաշտոնյաներից մշտապես տեղեկություններ է ստացել այն մասին, որ նրանք ձգտում են դադարեցնել պատերազմը տարբեր ուղղություններով, այդ թվում՝ Գազայի հատվածում։

Նա նաև շնորհակալություն է հայտնել Իրանին և Եմենին՝ պաղեստինցիներին ցուցաբերվող աջակցության համար՝ ընդգծելով, որ նման մոտեցումը համապատասխանում է տարածաշրջանում կայուն խաղաղության հաստատման նպատակին։

Միևնույն ժամանակ, տարածաշրջանում լարվածությունը շարունակում է պահպանվել։ Վերջին օրերին արձանագրվել են նոր ռազմական գործողություններ, այդ թվում՝ փոխադարձ հարվածներ և ավիահարձակումներ։