Պուտինը պարզեցրել է Ուկրաինայից, Դոնեցկից և Լուգանսկից որբերի՝ ՌԴ քաղաքացիության ստացումը
Ռուսաստանի Դաշնության նախագահ Վլադիմիր Պուտինը հրամանագիր է ստորագրել Ուկրաինայի, ինչպես նաև Դոնեցկի և Լուգանսկի Ժողովրդական hանրապետությունների որբերի համար Ռուսաստանի քաղաքացիություն ձեռք բերելը պարզեցնելու մասին։ Այս մասին հայտնում է իրավական տեղեկատվության պաշտոնական ինտերնետային պորտալը։
Փաստաթղթում նշվում է, որ որբերը և առանց ծնողական խնամքի մնացած երեխաները, ինչպես նաև անգործունակ անձինք, ովքեր հանդիսանում են ԼԺՀ, ԴԺՀ կամ Ուկրաինայի քաղաքացիներ, կարող են պարզեցված ձևով ստանալ Ռուսաստանի քաղաքացիություն:
Ավելի վաղ Խերսոնի շրջանի ռազմական-քաղաքացիական վարչակազմի ղեկավար Վլադիմիր Սալդոն հայտնել էր, որ շրջանային կառավարությունը պատրաստվում է վարչական կենտրոններ բացել Ռուսաստանի քաղաքացիություն ստանալ ցանկացողների համար։
