Դաղստանում խոշոր գազատարի վրա պայթյուններ են տեղի ունեցել

Դաղստանի Հանրապետության Կիզիլյուրտի շրջանում մայրուղային գազատարի վրա երեք պայթյուն է տեղի ունեցել։ Այս մասին հայտնել է տարածաշրջանի ՌԴ ԱԻՆ գլխավոր վարչության մամուլի ծառայությունը։

«Մոսկվայի ժամանակով ժամը 19:45-ին «112» համակարգով սկսել են հաղորդումներ ստացվել Կիզիլյուրտ քաղաքում գազատարի պայթյունի և բռնկման մասին։ Նախնական տվյալներով՝ 1200 մմ տրամագծով մայրուղային գազատարի վրա տեղի է ունեցել երեք պայթյուն։ Տեղեկությունը ճշտվում է», — ասվում է հաղորդագրության մեջ։

Դեպքի հետևանքների վերացման համար ուղարկվել է 25 փրկարար և 7 միավոր հատուկ տեխնիկա։

Դաղստանի առողջապահության նախարարության տվյալներով՝ այս պահին տուժածների մասին տեղեկություններ չկան։

Կիզիլյուրտի շրջանում հրդեհի վայրում հերթապահում են Դաղստանի աղետների բժշկության կենտրոնի շտապօգնության բրիգադները։

Տեսանյութը՝ հղմամբ: