Ինչ պահանջ է ներկայացրել Ռուսաստանը` ԱՄՆ-ին

 Ռուսաստանը պահանջում է ամերիկյան միջուկային զենքի դուրսբերումը Եվրոպայից և դրա տեղակայման համար նախատեսված ենթակառուցվածքների ապամոնտաժումը, հայտարարել է ԱԳՆ դեսպան Անդրեյ Բելոուսովը։ Նրա խոսքով՝ Մոսկվան այդպիսի սպառազինությունը համարում է «ըստ էության ռազմավարական»։ 

Դիվանագետը նշել է, որ Եվրոպայում տեղակայված ամերիկյան միջուկային զենքը էապես ռազմավարական է՝ հաշվի առնելով Ռուսաստանի կարևորագույն քաղաքացիական և ռազմական ենթակառուցվածքներին հարվածելու դրա կարողությունը։

«Հետևաբար, մենք պնդում ենք, որ այն դուրս բերվի Եվրոպայից, վերադարձվի ԱՄՆ, և որ Եվրոպայում դրա տեղակայման համար նախատեսված բոլոր ենթակառուցվածքները ապամոնտաժվեն»,-ասել է Բելոուսովը։