Հայաստանում հաղթել է ժողովրդավարությունը. Ֆրանսիացի պատգամավոր
Ֆրանսիայից ընտրված Եվրոպական խորհրդարանի պատգամավոր Նատալի Լուազոն հայտարարել է․
«Մենք Հայաստանում ենք, և ես լավ նորություն ունեմ։ Ես այստեղ էի հունիսի 7-ի ընտրությունները դիտարկելու նպատակով։ Հայաստանը հաղթեց, և ժողովրդավարությունը հաղթեց։ Հայերը զանգվածաբար մասնակցեցին քվեարկությանը և ընտրեցին շարունակել ժողովրդավարության, հարևանների հետ խաղաղության և Եվրամիության հետ ավելի սերտ հարաբերությունների ուղին։
Նրանք դա արեցին լիակատար ազատ պայմաններում, ընտրություններում, որոնք եղել են պրոֆեսիոնալ և թափանցիկ։ Եվ նրանք դա արեցին՝ չնայած Ռուսաստանի կողմից գործադրված աննախադեպ ճնշմանը՝ տեղեկատվական մանիպուլյացիաների, կիբերհարձակումների, ուղղակի տնտեսական ճնշման և Ռուսաստանի իշխանությունների կողմից հայ ժողովրդին հասցեագրված սպառնալիքների տեսքով, եթե նրանք չքվեարկեին այնպես, ինչպես կցանկանար Վլադիմիր Պուտինը։
Սա լավ նորություն է, քանի որ Մոլդովայից և Հունգարիայից հետո Հայաստանը երրորդ երկիրն է, որը չի ենթարկվել Մոսկվայի և Կրեմլի ճնշմանը և ցանկանում է ինքնուրույն որոշել իր ճակատագիրը։
Մեզ համար՝ եվրոպացիներիս, մեզ համար՝ ֆրանսիացիներիս, Հայաստանը պարզապես հերթական երկիր չէ։ Սա Կովկասի միակ ժողովրդավարությունն է։ Սա մի երկիր է, որի հետ մենք ունենք ամուր հարաբերություններ և ժողովուրդ, որի հետ մեզ կապում է երկարամյա բարեկամությունը։ Այդ պատճառով հրաշալի նորություն է, որ այսօր Հայաստանը կարող է շարունակել շարժվել իր ընտրած ճանապարհով և իր ապագան կառուցել՝ անտեսելով այն ճնշումները, որոնք Ռուսաստանը փորձել է գործադրել նրա նկատմամբ»։
Մանրամասները՝ տեսանյութում:
Նմանատիպ հոդվածներ
Ավելին Քաղաքականություն բաժնից
ՄԱԿ-ը ներգրավվել է Արտուր Օսիպյանի գործի քննարկմանը
Դաղստանում խոշոր գազատարի վրա պայթյուններ են տեղի ունեցել
Ի՞նչ է պատրաստվում անել «Հայաստան դաշինքը»-ը
