Արայիկ Հարությունյանը խնդրել է անմեղ ճանաչել իրեն

Բաքվի վերաքննիչ դատարանում այսօր քննվել են հայ գերիների բողոքները նրանց նկատմամբ կայացրած վճիռների վերաբերյալ:
Արցախի նախկին նախագահ Արայիկ Հարությունյանի պաշտպանը խնդրել է «անմեղ ճանաչել» նրան:

Նիստի ընթացքում ելույթ է ունեցել նաև Արայիկ Հարությունյանը՝ նշելով, որ համաձայն է պաշտպանի ներկայացրած դիրքորոշմանը։ Բոլոր փաստաբանները (բացառությամբ Արայիկ Հարությունյանի պաշտպանի, որը հանդես է եկել պաշտպանյալին արդարացնելու միջնորդությամբ) դատարանին խնդրել են հետաձգել դատական նիստը՝ ելույթներին նախապատրաստվելու համար:

Վերաքննիչ դատարանի հաջորդ նիստը տեղի կունենա հունիսի 16-ին: