Մոլդովայի նախկին նախագահը տնային կալանքի տակ կլինի
Քիշնևի Չիոկանա սեկտորի դատարանը Մոլդովայի նախկին նախագահ Իգոր Դոդոնին 30 օր տնային կալանքի է ենթարկել՝ մերժելով քննչական մեկուսարանում կալանավորելու դատախազների միջնորդությունը։ Այս մասին գրում է Интерфакс-ը:
Նույն դատարանը վճռել է, որ Դոդոնի կնոջ՝ Պետր Մերինեանուի եղբայրը, ով կալանավորվել է նրա հետ միասին, առաջիկա 30 օրվա ընթացքում կալանքի տակ կլինի քննչական մեկուսարանում, հաղորդում է լրատվամիջոցի թղթակիցը։
Դատարանի ընդունած որոշումները եռօրյա ժամկետում կարող են վիճարկվել Քիշնեւի վերաքննիչ դատարանում։ Դատախազ Պյոտր Յարմալյուկը հայտնել է, որ դատախազները բողոքարկելու են դատարանի որոշումը։
Դոդոնը ձերբակալվել է երեքշաբթի երեկոյան իր տանը, գրասենյակներում, ծնողների տանը և այլ տարածքներում երկարատև խուզարկություններից հետո: Նախօրեին դատախազները մեղադրանքներ են ներկայացրել հանցավոր կազմակերպության կողմից քաղաքական կուսակցությանը ֆինանսավորելու (որի համար նրան սպառնում է առնվազն երեք տարվա ազատազրկում), դավաճանության (առնվազն 12 տարվա ազատազրկում) և ապօրինի հարստացման (մինչև 7 տարի ազատազրկում) մասին հոդվածներով:
