Մեր պահանջների հիմանական մասը համարում ենք բավարարված. Սաղաթելյանը՝ ոստիկանապետի հետ հանդիպման մասին
Այս պահին մեր պահանջների հիմանական մասը համարում ենք բավարարված: Այս մասին հայտնել է Իշխան Սաղաթելյանը՝ ոստիկանապետ Վահե Ղազարյանի հետ հանդիպման ավարտից հետո:
Նշենք, որ հանդիպմանը մասնակցել են նաև Արթուր Վանեցյանը, Հայկ Մամիջանյանը եւ մի քանի այլ պատգամավորներ:
Խոսելով հանդիպման մասին՝ Իշխան Սաղաթելյանն ասել է, որ ոստիկանության ծառայողներից մեկի գործունեությունն կասեցված է:
«Ոստիկանապետը փոխանցեց, որ մեկ հոգու գործունեություն այս պահին կասեցվել է, 37 հոգու նկատմամբ նշանակվել է ծառայողական քննություն, հարուցվել է մեկ տասնյակից ավել քրեական գործեր և այսօրվա դեպքերով տեղի են ունենում ուսումնասիրություն։
Ավտոերթերի ընթացքում 80-ից ավել ավտոմեքենաներ բռնագրավված էին․ պայմանավորվել ենք, որ բոլոր մեքենաները կվերադարձվեն։
Այս պահին մեր պահանջների հիմանական մասը համարում ենք բավարարված»,- ասել է նա։
