«Կոչ եմ անում ստուգել ապաստարանները, որպեսզի կանխվի հերթական գերդոզավորման դեպքերը»․ Վահագն Ալեքսանյան
ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանն այսօր ԱԺ ամբիոնից ոստիկանությանը կոչ արեց ստուգել ընդդիմադիրների «ապաստարանները»` թմրամիջոցներից հերթական գերդոզավորման դեպքերը կանխելու համար։
«Կոչ եմ անում ոստիկանության ԹԱՇԴՊ (Թմրամիջոցների ապօրինի շրջանառության դեմ պայքարի) վարչության աշխատակիցներին հնարավորինս շուտ մտնել ու ստուգել այդ մարդկանց ապաստարանները` որպես այդպիսին, որպեսզի հնարավորինս շուտ կանխվի թմրամիջոցներից հերթական գերդոզավորման դեպքերը, որոնք գուցե ունենան մահվան ելքեր»,– ասաց նա։
Հիշեցնենք` մայիսի 5-ին Ֆրանսիայի հրապարակում 41-ամյա մի տղամարդ էր մահացել, նախնական վարկածով` սրտի կաթվածից։
Մամուլում տարածված լուրերի համաձայն` տղամարդը մահացել է թմրանյութերի գերդոզավորման հետևանքով։
