«Իշխանությունների կործանարար քաղաքականության հետևանքով հիմա Հայաստանի կամքից բան կախված չէ. Մուսինյան

Իշխանությունների կործանարար քաղաքականության հետևանքով Հայաստանը ջախջախվել է պատերազմում և հիմա Հայաստանի կամքից բան կախված չէ։ Հանրային հեռուստաալիքի եթերում հայտարարել է ՀՀ առաջին նախագահ Լևոն Տեր-Պետրոսյանի մամուլի խոսնակ Արման Մուսինյանը:

«Իշխանությունների կործանարար քաղաքականության հետևանքով Հայաստանը ջախջախվել է պատերազմում և հիմա Հայաստանի կամքից բան կախված չէ։ Հիմա փոխանակ իշխանությունը և խորհրդարանական ընդդիմությունը կարողանան նստեն մեկ սեղանի շուրջ, լուծում գտնեն, մեկը զբաղված է իշխանություն պահելով, մյուսը ուզում է գալ իշխանության»,-նշել է Մուսինյանը։
 

Ըստ նրա՝ երկու կողմն էլ փորձում են հասարակությանը ներկայանալ փրկիչներ, սակայն վնասներ են բերում պետությանը։
 

«Պատերազմից առաջ Նիկոլ Փաշինյանը շատ ավելի դաշնակցական էր, քան Իշխան Սաղաթելյանը։ Ինքը դրանով ուզում էր պաշտպանել իշխանությունը։ Այսօր Փաշինյանը, մտածելով, որ կարող է պահպանել իշխանությունը՝ դառնալով խաղաղության ջատագովը, դարձել է խաղաղության ջատագով։ Մի մարդ, որը հեգնում էր խաղաղությունը գոնե վերջին 10 տարում»,-ասել է Մուսինյանը։