ՆԱՏՕ-ն ուղղակիորեն չի մասնակցի Ուկրաինայի հակամարտությանը. Շոլց
Հյուսիսատլանտյան դաշինքը չի դառնա Ուկրաինայի հակամարտության կողմ: Այս մասին երկուշաբթի CDF հեռուստաալիքի եթերում հայտարարել է Գերմանիայի կանցլեր Օլաֆ Շոլցը։
«Ես ի սկզբանե ասել եմ, որ ՆԱՏՕ-ի անմիջական մասնակցությունն այս պատերազմին չի լինելու»,- ասել է նա։ Կանցլերը կրկնել է, որ հենց այդ պատճառով է դեմ եղել Ուկրաինայի երկնքում ոչ թռիչքային գոտու ստեղծմանը։
Ռուսաստանի նախագահ Վլադիմիր Պուտինը փետրվարի 24-ին հայտարարել է հատուկ գործողության մասին՝ ի պատասխան Դոնբասի հանրապետությունների ղեկավարների օգնության խնդրանքին։ Նա ընդգծել է, որ Մոսկվայի ծրագրերը չեն ներառում ուկրաինական տարածքների օկուպացումը, նպատակները երկրի ապառազմականացումն ու ապաազգայնացումն է։ ԱՄՆ-ը և նրա դաշնակիցները պատասխանել են Ռուսաստանի դեմ լայնածավալ պատժամիջոցներ կիրառելով և սկսել են զենք մատակարարել Կիևին:
