Չինաստանում 6 հարկանի շենք է փլուզվել
Այսօր Չինաստանի կենտրոնական Հունան նահանգի Չանշա քաղաքում վեց հարկանի շենք է փլուզվել, փոխանցում է «ՌԻԱ Նովոստի»-ն։ Ըստ լրատվականի՝ շինության մակերեսը կազմել է մոտ 800 քմ։ Առաջին հարկում խանութներ էին, երկրորդում՝ ռեստորաններ, երրորդում՝ կինոսրահ, չորրորդից վեցերորդում՝ հյուրանոց։ Փլուզման պատճառները հետաքննվում են, սակայն տուժածների մասին առայժմ ոչինչ չի հաղորդվում: Արտակարգ դեպքի վայրում աշխատում են ոստիկանները, փրկարարները և տեղական վարչակազմի ներկայացուցիչներ։
