Տեղյակ չեմ այդ դիմումի «ճակատագրի» մասին․ Պեսկով
Ռուսաստանի Դաշնության նախագահի մամուլի քարտուղար Դմիտրի Պեսկովը չի խոսել ուկրաինացի նախկին պատգամավոր Իլյա Կիվայի՝ իրեն Ռուսաստանի քաղաքացիություն տրամադրելու խնդրանքի մասին։
«Ցավոք, ես չեմ կարող ասել, թե ինչպես է բողոքը ուղարկվել և ուր պետք է գնար, ուստի այստեղ ոչինչ ասել չեմ կարող», - ուրբաթ օրը պատասխանելով լրագրողների հարցերին, ասել է Կրեմլի խոսնակը։
Հինգշաբթի օրը Գերագույն Ռադայի նախկին պատգամավոր Իլյա Կիվան բաց նամակ է հրապարակել իր Telegram ալիքում, որում դիմել է ՌԴ նախագահ Վլադիմիր Պուտինին՝ իրեն քաղաքական ապաստան և Ռուսաստանի Դաշնության քաղաքացիություն տրամադրելու խնդրանքով։
Մարտի 6-ին Ուկրաինայի գլխավոր դատախազությունը Կիվային մեղադրանք է առաջադրել երկրի տարածքային ամբողջականության խախտման և պետական դավաճանության հոդվածներով։ Իր հերթին Կիվան հայտնել է, որ հալածանքների պատճառով մեկնել է Իսպանիա, այնտեղից էլ՝ Ռուսաստան։ Ավելի ուշ Ռադայի նիստում նրան զրկել են մանդատից։ Մարտի 16-ին Ուկրաինայի Հետախուզության պետական բյուրոն նախկին պատգամավորի նկատմամբ հետախուզում է հայտարարել։ Իսկ մարտի 29-ին վարչությունը Կիվային մեղադրանք է առաջադրել պատերազմի քարոզչության և Ուկրաինայում բռնի իշխանափոխության կոչերի համար։
