Հույս ունենք՝ Հայաստան-Թուրքիա երկաթուղին հնարավորինս արագ կբացվի. Փաշինյան

Կառավարության այսօրվա նիստում վարչապետ Նիկոլ Փաշինյանը հայտարարեց, որ հույս ունեն՝ Հայաստան-Թուրքիա երկաթուղին հնարավորինս արագ կբացվի։

«Էլ չեմ ասում, որ ԹՐԻՓՓ նախագծի իրագործման շրջանակներում հնարավորություններն էականորեն կավելանան»,- նշեց նա։

Փաշինյանն ասաց, որ այս ընթացքում Հայաստանը տրանսպորտային նոր հնարավորություններ ունեցավ՝ Ախլքալաք-Կարս երկաթուղու երկու գիծ էլ աշխատում է։ 

«Այս թեմայով Վրաստանի վարչապետ հետ խոսակցություն եմ ունեցել, հավաստիացրել է, որ երկու ուղղությամբ էլ որևէ խնդիր չի առաջանա, նաև խոսել եմ Թուրքիայի նախագահի հետ, հաստատել է, որ այդ ուղղությունները բաց են»,- հավելեց Փաշինյանը։