Դավիթ Խուդաթյանը` գազի գնի հնարավոր թանկացման լուրերի մասին

Հայաստանի համար գազի գնի հնարավոր թանկացման հարցի շուրջ զարգացումներ չկան: Այս մասին հայտնել է Հայաստանի Տարածքային կառավարման և ենթակառուցվածքների նախարար Դավիթ Խուդաթյանը:

«Մենք ինտենսիվ աշխատում ենք «Գազպրոմի» մեր գործընկերների հետ, ավելացնելու բան չկա, նոր բան չկա, փոփոխություններ չկան։ Մենք գազը ստանում ենք կանոնավոր գրաֆիկով, այն սակագնով, որը գոյություն է ունեցել, այդ սակագները սահմանված են պայմանագրով, որոնք դեռ ժամկետի մեջ են (մինչև տարեվերջ և 2027թ․ տարեսկիզբ)»,- ԱԺ-ում ճեպազրույցի ժամանակ հայտարարեց ՀՀ ՏԿԵ նախարարը։