10:00 Լուրերը մեկ տողով. Փաշինյանը 12 միլիոն է պահանջում զրպարտության համար. Ուկրաինայի գիշերային հարվածը

Անցած ժամվա լուրերը՝ հակիրճ և բովանդակային.

•Վարչապետ Նիկոլ Փաշինյանը դատական հայցեր է ներկայացրել Սամվել Կարապետյանի և «Ուժեղ Հայաստան» կուսակցության դեմ՝ զրպարտության համար 6-ական միլիոն դրամ փոխհատուցման պահանջով. ՀԵՏՔ:

•«Հրապարակ»-ը գրում է, որ Ռուսաստանի կողմից ներմուծման սահմանափակումներից հետո Հայաստանը փոքր ծավալներով գյուղմթերքի արտահանման այլընտրանքային շուկաներ է փնտրում ԵՄ-ում։

•«Փաստ» օրաթերթի տեղեկություններով՝ Նիկոլ Փաշինյանը մտադիր է Արայիկ Հարությունյանին վերանշանակել վարչապետի աշխատակազմի ղեկավարի ազդեցիկ պաշտոնում։

•ԱՄՆ նախագահ Դոնալդ Թրամփը հայտարարել է, որ իրանցիների խնդրանքով ամերիկյան հարվածները շուտով կդադարեն, հակառակ դեպքում՝ Իրանին նոր հզոր հարվածներ են սպառնում։

•ՄԱԿ-ի գլխավոր քարտուղար Անտանիու Գուտերեշը կոչ է արել Մերձավոր Արևելքի հակամարտության կողմերին դադարեցնել ռազմական գործողությունները և հարցը լուծել դիվանագիտությամբ։

•Ռուսաստանի նախագահի հատուկ ներկայացուցիչ Կիրիլ Դմիտրիևը հայտարարել է, որ ռուս-ամերիկյան հարաբերությունների վերականգնման բանալին քաղաքացիական դիվանագիտությունն է։

•Ուկրաինական ԱԹՍ-ների գիշերային հարձակման հետևանքով Ռուսաստանի Կրասնոդարի երկրամասի բազմաբնակարան շենքերից մեկում հրդեհ է բռնկվել, կա երկու տուժած։