09:00 Լուրերը մեկ տողով. Թրամփի գրառումը ուղղված՝ Փաշինյանին. Մերձավոր Արևելքում պայթյունավտանգ պատերազմ

Անցած ժամվա լուրերը՝ հակիրճ և բովանդակային.

•ԱՄՆ նախագահը շնորհավորել է Նիկոլ Փաշինյանին ընտրություններում տարած հաղթանակի առթիվ՝ վստահություն հայտնելով Հայաստանի ապագա հաջողությունների հարցում։ «Հպարտ եմ, որ աջակցել եմ նրա վերընտրմանը, և չեմ կասկածում, որ նրա ղեկավարությամբ գեղեցիկ Հայաստանը կհասնի մեծության և հաջողության այնպիսի մակարդակի, որը կգերազանցի բոլորի ամենահամարձակ սպասելիքները»,- գրել է ԱՄՆ նախագահը:

•Հայաստանում ընթացող ընտրական ձայների վերահաշվարկի արդյունքում արձանագրվել է ինչպես «Բարգավաճ Հայաստան», այնպես էլ «Քաղաքացիական պայմանագիր» կուսակցությունների քվեների ավելացում։

•Մամուլի տեղեկություններով՝ ընդդիմադիր դաշինքները քննարկում են պատգամավորական մանդատները վերցնելու կամ դրանցից հրաժարվելու հնարավոր սցենարներն ու քաղաքական հետևանքները։

•Պաշտպանության նախկին նախարարի և այլ նախկին պաշտոնյաների մասնակցությամբ ռազմամթերքի գործով դատավարությունը մոտեցել է ավարտին, և դատարանը պատրաստվում է վճիռ կայացնել։

•Մերձավոր Արևելքում ծայրահեղ սրվել է իրավիճակը․ Իրանն ու ԱՄՆ-ը փոխադարձ հզոր հրթիռային հարվածներ են հասցրել միմյանց ռազմական թիրախներին, ինչին զուգահեռ բախումներ են սկսվել Հեզբոլլահի և Իսրայելի միջև։

•Տարածաշրջանային ճգնաժամի ֆոնին Իրանը ամբողջությամբ փակել է Հորմուզի նեղուցը նավերի համար, իսկ Կատարի պատվիրակությունը ժամանել է Թեհրան՝ իրավիճակի կարգավորման ուղիներ քննարկելու։

•Հայաստանի առանձին շրջաններում և Երևանում այսօր կեսօրից հետո սպասվում են հորդառատ անձրևներ, ամպրոպ և քամու ուժգնացում, հնարավոր է նաև կարկուտ։