Կամաց-կամաց պետք է մտնենք այդ տեղերը. Փաշինյանը զգուշացրեց

Վարչապետ Նիկոլ Փաշինյանը կառավարության նիստում հայտարարել է, որ ոչ մի քաղաքացի առանց հսկիչ-դրամարկղային կտրոնի պետք է որևէ գնումից դուրս չգա։

«Իհարկե, տեղեր ունենք, որտեղ հսկիչ-դրամարկղային կտրոն չկա, ինչն էլ մեր հաջորդ թեման է, որ կամաց-կամաց պետք է մտնենք այդ տեղերը։ Զարգացած երկրներում այդպիսի տեղեր չկան։ Նույնիսկ գյուղատնտեսական շուկայի բոլոր տեղերում հսկիչ-դրամարկղային կտրոնի սարքեր կան, և դա հաշվառվող առևտուր է», - ասել է նա և հավելել, որ ծայրահեղ աղքատությունն, ըստ էության, վերջին տվյալներով՝ զրո է։

«Մեր սոցիալական քաղաքականությունների իմաստն այն է, որ գուցե նոր կառավարությունում մտածենք նաև նախարարության անունը փոխելու մասին, որպեսզի այս տրամաբանությունն ավելի տեսանելի արտահայտվի նաև նախարարության անվան մեջ», - շեշտել է վարչապետը։