Ռուսաստանը չի հանդուրժի ոչ մի վերջնագիր․ Լավրով
ՌԴ ԱԳ նախարար Սերգեյ Լավրովն ասել է, որ ղազախական կողմին մանրամասն տեղեկացրել է Ուկրաինայում ռուսական հատուկ գործողության ընթացքի մասին և կիսվել նրա հետ գնահատականներով ռուս-ուկրաինական բանակցությունների վերաբերյալ, որոնք դանդաղ են ընթանում։
«Մենք, իհարկե, ռուսական կողմի հետ Կենտրոնական Ասիայի հնգյակի հանդիպմանը և այսօր բանակցությունների ժամանակ քննարկել ենք իրավիճակը Ուկրաինայում և դրա շուրջը: Մենք մեր գործընկերներին մանրամասն տեղեկացրել ենք հատուկ ռազմական գործողության ընթացքի մասին»,- այս մասին ուրբաթ օրը ասել է ԱԳ նախարարը փոխվարչապետի հետ բանակցությունների արդյունքներին հաջորդած մամուլի ասուլիսում։
Նրա խոսքով, Կիևի հայտարարություններից տպավորություն է ստեղծվում, որ ինքը բանակցությունների կարիք չունի։ «Այժմ ես չէի խոսի անցկացման վայրերի մասին, այլ այն մասին, թե ինչպես է Ուկրաինան վերաբերվում այդ հնարավորություններին»,- ասել է Լավրովը՝ պատասխանելով հարցին, թե դիտարկվո՞ւմ է արդյոք Ղազախստանում ռուս-ուկրաինական բանակցություններ վարելու հնարավորությունը։
Լավրովը նաև ասել է, որ Կիևի հետ բանակցությունները փակուղի են մտել Ռուսաստանի Դաշնության առաջարկություններին իր արձագանքի բացակայության պատճառով։ «Մենք բանակցում էինք, հիմա նրանք կանգ են առել, քանի որ հինգ օր առաջ մեկ այլ առաջարկ, որը մենք ներկայացրել ենք ուկրաինացի բանակցողներին, և որը ձևակերպվել է՝ հաշվի առնելով այն ժամանակ ստացված նրանց մեկնաբանությունները, մնում է անպատասխան»,- ասել է նա։
Զելենսկին չի հասկանում, թե ինչն է վտանգված՝ կապելով Ռուսաստանի Դաշնության հետ բանակցությունները և Ազովստալում զինվորականների իրավիճակը, ասել է Լավրովը։
Նրա խոսքով՝ Ռուսաստանի Դաշնությունը ոչ մեկի հետ չի բանակցում Ուկրաինայի անվտանգության երաշխիքների հարցով։ «Մենք այդ թեմայով ոչ մեկի հետ չենք բանակցում»,- ասել է նա՝ պատասխանելով համապատասխան հարցին։
Լավրովի խոսքով՝ Ռուսաստանը չի հանդուրժի ոչ մի վերջնագիր, այդ թվում՝ Ուկրաինայի կողմից։
