Մակրոնը՝ Պուտինի հետ բանակցությունները շարունակելու մասին
Ֆրանսիայի նախագահ Էմանուել Մակրոնը հայտարարել է, որ անհրաժեշտ է շարունակել բանակցությունները ՌԴ նախագահ Վլադիմիր Պուտինի հետ։ Այդ մասին նա ուրբաթ օրը հայտարարել է France Inter ռադիոկայանի եթերում։
«Կարծում եմ, որ մեր պարտքն է շարունակել բանակցությունները նախագահ Պուտինի հետ: Կապի միայն մեկ ալիք կա, և այն պետք է պահպանվի», - ասել է Մակրոնը։ Նրա կարծիքով՝ բանակցությունների շարունակությունը կօգնի կյանքեր փրկել։
Նա նաև նշել է, որ եթե Ֆրանսիան երկխոսություն չվարի Ռուսաստանի ղեկավարի հետ, ապա Չինաստանն ու Թուրքիան կլինեն բանակցությունների մասնակիցները։
