Աֆղանստանում մզկիթի պայթյունի հետևանքով զոհվել և վիրավորվել է ավելի քան 30 մարդ

Ավելի քան 30 մարդ է զոհվել և վիրավորվել Աֆղանստանի հյուսիսային Կունդուզ նահանգի մզկիթում տեղի ունեցած պայթյունի հետևանքով, հայտնում է Tolo News-ը։ 
Ավելի վաղ ուրբաթ օրը Ariana News-ը, վկայակոչելով նահանգի տեղեկատվության և մշակույթի տնօրենին, հայտնել էր, որ պայթյուն է տեղի ունեցել Կունդուզ նահանգի մզկիթում, կան տուժածներ։

«Կունդուզ նահանգի Իմամ Սահիբ շրջանի ոստիկանապետ Հաֆիզ Օմարը, առանց այլ մանրամասների, ասել է, որ այսօր կեսօրին պայթյուն է տեղի ունեցել Մավլավի Սեքանդար մզկիթում: Անվտանգության աղբյուրները և ականատեսները հայտնել են, որ միջադեպի հետևանքով զոհվել և վիրավորվել է ավելի քան 30 մարդ: Ըստ ականատեսների՝ տուժածները տեղափոխվել են շրջանային հիվանդանոց», - հաղորդում է հեռուստաալիքը։