«Դրանց արդյունքը լինելու է աշխարհի ավիրված կարգուկանոնը»․ Մեդվեդևը՝ պատժամիջոցների մասին

ՌԴ-ի դեմ աննախադեպ պատժամիջոցները կառաջացնեն բոլոր միջազգային ինստիտուտների հետագա կոլապսը, հայտարարել Է Ռուսաստանի անվտանգության խորհրդի փոխնախագահ Դմիտրի Մեդվեդեւը, հայտնում է ՏԱՍՍ-ը։

Նա նշել է, որ Ռուսաստանի դեմ պատժամիջոցները սահմանվում են, որպեսզի քաղաքացիների մոտ դժգոհություն առաջացնեն երկրի իշխանությունների դեմ, սակայն դրանք հակառակ էֆեկտն ունեն:

Նրա խոսքով ՝ ՌԴ-ի դեմ ապօրինի պատժամիջոցները կավարտվեն, սակայն դրանց արդյունքը լինելու է աշխարհի ավիրված կարգուկանոնը։

Մեդվեդեւը նշել է, որ պատժամիջոցները կարող են որակվել որպես ՌԴ-ի դեմ ագրեսիայի ակտ, որպես հիբրիդային պատերազմի ձեւերից մեկը: