Ուկրաինան փորձում է ՆԱՏՕ-ին անդամակցելու ձևաչափ գտնել՝ առանց փաստացի անդամակցելու. ուկրաինական պատվիրակության անդամ
Ուկրաինայի անվտանգության երաշխիքների վերաբերյալ Ռուսաստանի Դաշնության հետ բանակցություններում ուկրաինական պատվիրակության ներկայացուցիչ Ալեքսանդր Չալին հայտնել է, որ Ուկրաինան փորձում է ՆԱՏՕ-ին անդամակցելու ձևաչափ գտնել՝ առանց փաստացի անդամակցելու:
«Մենք փնտրում ենք մեր երազանքը իրականություն դարձնելու ձևը՝ ունենալ երաշխիքներ, որոնք ունեն ՆԱՏՕ-ի երկրները, բայց այդ երաշխիքները ձեռք կբերվեն ՆԱՏՕ-Ուկրաինա-ՌԴ գծի համաձայնագրի միջոցով»,- ասել է նա ուկրաինական հեռուստաալիքներին տված հարցազրույցում։ .
ՄԱԿ-ի Անվտանգության խորհրդի անդամ 5 պետություններ պետք է դառնան Ուկրաինայի անվտանգության երաշխավոր, որոնց թվում է նաև Ռուսաստանը:
