Ադրբեջանում ի պաշտպանություն Ուկրաինայի հանրահավաք կլինի՞
Ժողովրդավարական ուժերի ազգային խորհուրդը կարող է ապրիլի 2-ին ժամը 15:00-ից 17:00-ն ի պաշտպանություն Ուկրաինայի հանրահավաք անցկացնել։ Այս մասին գրում է ԱդրբեջանՊոստֆակտում տելեգրամյան ալիքը։
Ազգային խորհրդի և «Մուսավաթ» կուսակցության համակարգող կենտրոնի անդամ Թոֆիգ Յագուբլուն ֆեյսբուքյան իր էջում հրապարակել է տեղեկատվություն։
Յագուբլուն ասել է, որ հանրահավաքի նպատակն է «ադրբեջանական ժողովրդի աջակցությունը հայտնել ուկրաինացի ժողովրդին, որը ենթարկվել է ռուսական ռազմական ագրեսիայի»։
«Հանրահավաքը կանցկացվի, եթե համաձայնեցվի քաղաքային իշխանությունների հետ»,- գրել է Յագուբլուն։
