ՌԴ նախագահի հատուկ ներկայացուցիչը լքել է երկիրը
Անատոլի Չուբայսը լքել է կայուն զարգացման հարցերով Ռուսաստանի նախագահի հատուկ ներկայացուցչի պաշտոնը, հայտնել են Bloomberg-ի, Reuters-ի եւ ТАСС-ի աղբյուրները: Չուբայսի ներկայացուցիչները РИА новости-ին հաստատել են, որ նա լքել է պաշտոնը:
Bloomberg-ի զրուցակիցները պնդում են, որ դա կապված է Ուկրաինայում ռազմական գործողության անցկացման հետ նրա անհամաձայնության հետ: Գործակալության տեղեկություններով՝ նա լքել է երկիրը։ Kommersant – ի տեղեկություններով՝ երեկ Անատոլի Չուբայսին տեսել են Ստամբուլում։
