Զելենսկին հայտնել է, որ պատրաստ է Պուտինի հետ քննարկել Ղրիմի և Դոնբասի հարցերը

Ուկրաինայի նախագահ Վլադիմիր Զելենսկին հայտարարել է, որ պատրաստ է ՌԴ առաջնորդ Վլադիմիր Պուտինի հետ քննարկել Ղրիմի և Դոնբասի հարցերը, սակայն խոստովանել, որ առաջին հանդիպման ժամանակ հաջողության հասնել չի ստացվի։

«Ռուսաստանի նախագահի հետ առաջին իսկ հանդիպմանը ես պատրաստ եմ բարձրացնել այդ հարցերը, դրանք տեղին են, կարևոր են մեզ համար»,-Զելենսկու խոսքերը մեջբերում է«ՌԻԱ Նովոստին»։

Նրա խոսքով՝ որոշումը կկայացվի «ոչ այս հանդիպմանը»։

Ավելի վաղ Զելենսկին հայտարարել էր, որ պատրաստ է Ռուսաստանի նախագահ Վլադիմիր Պուտինի հետ բանակցությունների, իսկ անհաջող զրույցի դեպքում հնարավոր է համարել Երրորդ համաշխարհային պատերազմ սկսելու վտանգը։

Նա նաև նշել է, որ Ուկրաինան չի կարող համաձայնվել ինքնիշխանության և տարածքային ամբողջականության կորստի հետ։

Ռուսական պատվիրակության ղեկավար, նախագահի օգնական Վլադիմիր Մեդինսկին ընդգծել է, որ Պուտինի և Զելենսկու հնարավոր հանդիպման մասին հնարավոր կլինի խոսել միայն երկու երկրների միջև պայմանագրի տեքստի հաստատումից հետո։