Ռուսաստանի արձակած հիպերձայնային հրթիռը կանգնեցնելը գրեթե անհնար է․ Բայդեն
ԱՄՆ նախագահ Ջո Բայդենը հաստատել է, որ Ռուսաստանը հիպերձայնային հրթիռներ է օգտագործել Ուկրաինայի դեմ պատերազմում։ Նրա խոսքով՝ Ռուսաստանի արձակած հիպերձայնային հրթիռը, որն առաջին անգամ մարտական պայմաններում կիրառվել է Ուկրաինայում, գործանականում հնարավոր չէ կանգնեցնել, փոխանցում է hromadske.ua-ն:
«Ռուսաստանը հիպերձայնային հրթիռ է արձակել… Դա, ինչպես բոլորդ գիտեք, կարևոր զենք է, բայց նույն մարտագլխիկով, ինչ ցանկացած այլ հրթիռ: Նա շատ չի տարբերվում, միայն թե նրան կանգնեցնելը գրեթե անհնար է։ Պատճառ կա, թե ինչու են դա օգտագործում»,- ասել է ամերիկացի առաջնորդը։
Հիշեցնենք, որ ռուսական զինուժը «Кинжал» հրթիռով հարվածել էր «Точка-У»-ի հավաքման համար անհրաժեշտ բաղադրամասերի ստորգետնյա պահեստին, որը գտնվում էր Իվանովո-Ֆրանկովսկի մարզում։
