Պուտինը «սեղմված է պատին». Բայդեն
ԱՄՆ նախագահ Ջո Բայդենը բիզնեսի ներկայացուցիչների հետ կլոր սեղան է ունեցել եւ այդ ժամանակ ասել է, որ իր տվյալներով՝ Ռուսաստանն իսկապես հիպերձայնային հրթիռներ է կիրառել Ուկրաինայի դեմ, հաղորդում է CNN-ի թղթակիցը։
Reuters-ն էլ գրում է, թե Բայդենն ասել է, որ Պուտինը «սեղմված է պատին», և կան «հստակ նշաններ», որ նա դիտարկում է Ուկրաինայում ինչպես քիմիական, այնպես էլ կենսաբանական զենք կիրառելու հնարավորությունը։
«Նա չէր կանխատեսում մեր միասնության չափն ու ուժը, և որքան նրա թիկունքը սեղմվի պատին, այնքան ավելի մեծ կլինի մարտավարության դաժանությունը, որը նա կարող է օգտագործել», - ասել է Սպիտակ տան ղեկավարը։ Բայդենը նշել է, որ ԱՄՆ-ը 2 միլիարդ դոլար է ծախսել ՆԱՏՕ-ի ամրապնդման համար և զգալի ռազմական ռեսուրսներ է տրամադրել Ուկրաինային, որոնք «ավերածություններ են ստեղծում ռուս զինվորականների վրա՝ լինի դա նրանց տանկերը, ուղղաթիռները կամ ինքնաթիռները:
