58-ամյա վարորդը Վազ 2103-ով բախվել է ծառերին և գլխիվայր շրջվել․ կան վիրավորներ

Այսօր՝ մարտի 21-ին, ավտովթար է տեղի ունեցել Արմավիրի մարզում։ Ժամը 08։20-ի սահմաններում Արմավիրի մարզի բնակիչ՝ 58-ամյա Շահեն Արշակյանը իր վարած ՎԱԶ 2103 մակնիշի ավտոմեքենայով Երևան-Արմավիր ավտոճանապարհի 25 կմ հատվածում դուրս է եկել ճանապարհի երթևեկելի գոտուց, բախվել բաժանարար գոտու ծառերին և գլխիվայր շրջվել։ 

Ինչպես հայտնում է shamshyan.com-ը, վթարի հետևանքով Շ. Արշակյանն ու ուղևոր՝ Արմավիրի մարզի բնակիչ, 30-ամյա Բագրատ Արշակյանը մարմնական վնասվածքներով տեղափոխվել են «Վաղարշապատ» բժշկական կենտրոն։  

Օպերատիվ են գործել նշված կենտրոնի բժիշկների հերթապահ խումբը, ովքեր վիրավորներին մինչր հիվանդանոց տեղափոխելը, տեղում առաջին բուժօգնությունն են ցուցաբերել։