Զելենսկին հրամանագիր է ստորագրել. ինչ պետք է անեն հեռուստաալիքները ռազմական դրության ժամանակ
Ուկրաինայի նախագահ Վլադիմիր Զելենսկին հրամանագիր է ստորագրել ռազմական դրության պայմաններում բոլոր հեռուստաալիքների միասնական հեռարձակման մասին:
Ուկրաինայի ազգային անվտանգության և պաշտպանության խորհրդի՝ «Ռազմական դրության պայմաններում միասնական տեղեկատվական քաղաքականության իրականացման մասին» որոշումը տեղադրվել է պետության ղեկավարի կայքում, գրում է ՏԱՍՍ գործակալությունը:
Այս քաղաքականության իրականացումը Զելենսկին անվանում է ազգային անվտանգության առաջնահերթ խնդիր: Դրանով «բոլոր ազգային հեռուստաալիքները, որոնց ծրագրային բովանդակությունը տեղեկատվական կամ տեղեկատվական-վերլուծական են, կմիավորվեն մեկ տեղեկատվական հարթակում»:
