Ուկրաինայի և Բելառուսի միջև այլևս երկաթուղային հաղորդակցություն չկա
Ուկրաինայի և Բելառուսի միջև երկաթուղային կապ չկա, ռուս զինվորականները չեն կարողանա իրենց տեխնիկան երկաթուղով մատակարարել Բելառուսից։ Այս մասին Current Time-ի եթերում հայտարարել է Ուկրաինայի երկաթուղիների (Ուկրզալիզնիցիա) ղեկավար Ալեքսանդր Կամիշինը։
«Ես դիմել եմ բելառուսական երկաթուղու աշխատակիցներին՝ չհետևել հանցավոր հրահանգներին և չուղարկել ռուսական ռազմական գնացքներ Ուկրաինա։ Կարող եմ ասել, որ Բելառուսի և Ուկրաինայի միջև հաղորդակցություն չկա»,- ասաց նա։
Ուկրաինական երկաթուղու ղեկավարի խոսքով՝ ավելի վաղ ինքը դիմել է բելառուսական երկաթուղայիններին՝ «ռուսական տեխնիկայով գնացքներ Ուկրաինայի ուղղությամբ չուղարկելու կոչով»։
