«Ես պատրաստ եմ նրա  հետ խոսել». Կուլեբան Լավրովին հմուտ դիվանագետ է անվանել

Ուկրաինայի արտաքին գործերի նախարար Դմիտրի Կուլեբան Սերգեյ Լավրովին անվանել է հմուտ դիվանագետ և նշել է, որ պատրաստ է  շարունակել բանակցությունները նրա հետ։

«Լավրովը չափազանց հմուտ դիվանագետ է։ Կարծում եմ նա այսօր աշխարհում ամենաերկարակյաց արտաքին գործերի նախարարն է։ Նա պարզապես ահռելի փորձ ունի։ Ես պատրաստ եմ նրա  հետ խոսել, ես պատրաստ եմ նրա հետ լուրջ և առարկայական զրույց ունենալ։ Բայց մեր բոլոր հանրային պատմությունները պետք է բանակցային սենյակից դուրս մնան։ Այդ ժամանակ միայն մենք կհասնենք արդյունքի»,- ասել է Կուլեբան։

Ուկրաինայի արտաքին գերատեսչության ղեկավարը նշել է, որ ցանկացած պատերազմ երկու ավարտ ունի։ Առաջինը, որ մեկ կողմը պարտվելու է, երկրորդ տարբերակը գործարքն է։

«Ես կարծում եմ, որ երկրորդ տարբերակը ավելի իրատեսական է։ Դրա համար մենք պետք է, որպես պետություն, որպես հասարակություն, հասկանանք, որ մեզ պատերազմը կանգնեցնելու համար պետք է համաձայնության գալ։ Ուկրաինական դիվանագիտությունն աշխատում է այդ ուղղությամբ, որ այդ համաձայնությունը Ուկրաինայի համար լինի առավելագույնս շահավետ»,- հայտարարել է Կուլեբան։