Բայդենն ու Ծինփինը կքննարկեն Ուկրաինայի շուրջ ստեղծված իրավիճակը
ԱՄՆ նախագահ Ջո Բայդենը և Չինաստանի առաջնորդ Սի Ծինփինը կքննարկեն Ուկրաինայի շուրջ ստեղծված իրավիճակը։
Ինչպես հայտնել է Սպիտակ տունը, երկու երկրների առաջնորդները ուրբաթ կքննարկեն «երկու երկրների միջև մրցակցության կառավարումը, ինչպես նաև Ուկրաինայի դեմ Ռուսաստանի պատերազմը և փոխադարձ հետաքրքրություն ներկայացնող այլ հարցեր»։
«Սա Միացյալ Նահանգների և Չինաստանի միջև կապի բաց գծերի պահպանմանն ուղղված մեր մշտական ջանքերի մի մասն է»,- ասվում է հաղորդագրության մեջ:
Ծինփինն ու Բայդենը վերջին անգամ խոսել են նոյեմբերին՝ վիրտուալ գագաթնաժողովի ժամանակ։
