Քադիրովն ասել է, որ Մարիուպոլը գործնականում գտնվում է ռուսական զորքերի վերահսկողության տակ

Չեչնիայի ղեկավար Ռամզան Քադիրովը հայտարարել է, որ գործնականում Մարիուպոլի ողջ տարածքը գտնվում է Ռուսաստանի զինված ուժերի վերահսկողության տակ։ Այս մասին հայտնում է РИА Новости-ն:

«Մարիուպոլ քաղաքը կամաց-կամաց մաքրվում է ազգայնական կամայականություններից, քաղաքի գրեթե ողջ տարածքն արդեն գտնվում է ռուսական զինված ուժերի վերահսկողության տակ»,- գրել է Քադիրովը Telegram-ի իր ալիքում։
 

Նա նշել է, որ «Ազով» գումարտակի զինյալները (որի մարտիկների դեմ քրեական գործ է հարուցվել ՌԴ-ում) և նրանց համախոհները «իրենց անխուսափելի մահվանն են սպասում «Ազովստալ» մետալուրգիական գործարանի հաստ պատերի հետևում»։